Parent Pathways ܝܼܠܵܗܿ ܚܕܵܐ ܚܸܠܡܲܬ ܨܸܒܼܝܵܢܵܝܬܵܐ ܕܟܹܐ ܡܙܲܘܸܕܵܐ ܥܘܼܕܪܵܢܵܐ ܦܲܪܨܘܿܦܵܝܵܐ ܘܣܢܵܕܬܵܐ ܟܸܣܦܵܢܵܝܬܵܐ (ܙܘܼܙܵܢܵܝܬܵܐ) ܩܵܐ ܐܲܒܼܵܗܹܐ ܚܫܝܼܚܹܐ ܘܡܲܣܸܡܵܢܹܐ ܕܒܵܠܵܐ ܠܫܲܒܼܪܹܐ ܕܝܼܢܵܐ ܒܥܘܼܡܪܵܐ ܕܗܲܠ 6 ܫܸܢܹܐ.
Parent Pathways ܝܼܠܵܗܿ ܒܘܼܬ ܐܲܒܼܵܗܹܐ ܘܡܲܣܸܡܵܢܹܐ ܕܒܵܠܵܐ ܘܣܢܝܼܩܘܼܝܵܬܲܝܗܝ ܠܚܘܿܕܲܝܹܐ. ܒܗܲܝܲܪܬܵܐ ܕܚܲܕ ܡܲܠܦܵܢܵܐ ܡܗܲܕܝܵܢܵܐ ܕܐܝܼܬܠܹܗ ܣܵܗܕܘܼܬܵܐ ܕܚܫܝܼܚܘܼܬܵܐ، ܐܲܚܬܘܿܢ ܡܵܨܝܼܬܘܿܢ ܩܲܒܠܝܼܬܘܿܢ ܣܢܵܕܬܵܐ ܛܵܥܘܿܦܬܵܐ ܠܗܲܝܘܼܪܹܐ ܒܟܠܚܲܕ ܡܼܢ ܢܝܼܫܹܐ ܦܲܪܨܘܿܦܵܝܹܐ، ܝܲܢ ܢܝܼܫܹܐ ܕܩܸܪܝܵܢܵܐ ܝܲܢ ܕܦܘܼܠܚܵܢܵܐ.
ܩܵܐ ܡܵܢܝܼ ܝܠܵܗܿ ܚܸܠܡܲܬ ܕ Parent Pathways؟
Parent Pathways ܝܼܠܵܗܿ ܩܵܐ ܐܲܒܼܵܗܹܐ ܘܡܲܣܸܡܵܢܹܐ ܕܒܵܠܵܐ ܐܵܢܝܼ:
- ܕܐܝܼܬܠܗܘܿܢ ܚܲܕ ܫܲܒܼܪܵܐ ܒܥܘܼܡܪܵܐ ܕܬܚܘܿܬ 6 ܫܸܢܹܐ
- ܠܹܐ ܝܢܵܐ ܦܠܵܚܵܐ ܒܦܘܼܪܥܵܢܵܐ
- ܕܒܸܚܵܝܵܐ ܝܢܵܐ ܓܵܘ ܚܕܵܐ ܦܢܝܼܬܵܐ ܐܲܝܟܵܐ ܕܐܝܼܬ ܚܲܕ ܡܙܲܘܸܕܵܢܵܐ ܕ Parent Pathways.
ܕܩܲܒܘܼܠܹܐ ܝܢܵܐ ܚܲܕ ܡܼܢ ܕܐܲܢܹܐ ܦܘܼܪܥܵܢܹܐ:
- ܦܘܼ ܪܥܵܢܵܐ ܕܐܲܒܼܵܗܘܼܬܵܐ
- ܦܘܼܪܥܵܢܵܐ ܕܡܲܣܸܡܵܢܵܐ ܕܒܵܠܵܐ
- ܝܘܼܬܪܵܢܵܐ ܕܝܼܠܵܢܵܝܵܐ.
ܚܫܝܼܚܘܼܬܵܐ ܒܸܚܒܼܵܫܵܐ ܝܠܵܗܿ ܐܵܢܝܼ ܕܠܹܐ ܝܢܵܐ ܩܲܒܘܼܠܹܐ ܦܘܼܪܥܵܢܵܐ ܕ Centrelink، ܘܝܼܢܵܐ ܝܲܢ:
- ܒܥܘܼܡܪܵܐ ܕܬܚܘܿܬ 22 ܫܸܢܹܐ
- ܚܲܕ ܫܵܒܼܩܵܢܵܐ ܒܟܼܝܼܪܵܐ ܕܡܲܕܪܲܫܬܵܐ (ܐܲܒܼܵܗܹܐ ܐܵܢܝܼ ܕܠܲܝܬܠܗܘܿܢ ܣܵܗܕܘܼܬܵܐ ܕܣܸܕܪܵܐ ܕ 12)
- ܐܲܒܼܵܗܵܐ ܝܲܢ ܡܲܣܸܡܵܢܵܐ ܕܒܵܠܵܐ ܕܐܸܡܘܵܬܹܐ ܩܲܕܡܵܝܹܐ.
ܐܲܝܢܝܼ ܣܢܵܕܬܵܐ ܝܼܠܵܗܿ ܡܸܬܩܲܢܝܵܢܬܵܐ؟
ܚܸܠܡܲܬ ܟܹܐ ܡܲܩܪܸܒܼܵܐ ܚܲܕ ܡܸܢܝܵܢܵܐ ܕܓܘܼܒܵܝܹܐ ܕܣܢܵܕܬܵܐ، ܒܸܚܒܼܵܫܵܐ ܦܠܵܚܬܵܐ ܥܲܡ ܚܲܕ ܡܲܠܦܵܢܵܐ ܡܗܲܕܝܵܢܵܐ ܩܵܐ ܡܲܫܟܼܲܚܬܵܐ ܕܥܵܒܼܘܿܕܘܵܬܹܐ، ܘܚܸܠܡܲܬܹܐ ܘܬܲܠܡܲܕܬܵܐ ܕܬܲܡܸܡܵܐ ܠܣܢܝܼܩܘܼܝܵܬܵܘܟܼܘܿܢ. ܚܲܕܟܡܵܐ ܚܸܠܡܲܬܹܐ ܕܦܝܼܫܹܐ ܝܢܵܐ ܡܘܼܩܪܸܒܼܹܐ ܒܸܚܒܼܵܫܵܐ ܝܢܵܐ:
- ܚܘܼܪܙܹܐ ܕܠܸܫܵܢܵܐ ܝܲܢ ܕܣܦܝܼܪܘܼܬܵܐ
- ܣܢܵܕܬܵܐ ܩܵܐ ܡܲܫܟܼܲܚܬܵܐ ܕܚܲܕ ܩܸܢܛܪܘܿܢ ܕܡܲܣܲܡܬܵܐ ܕܒܵܠܵܐ ܠܫܲܒܼܪܹܐ ܘܗܲܝܲܪܬܵܐ ܒܡܲܨܪܵܦܹܐ ܕܡܲܣܲܡܬܵܐ ܕܒܵܠܵܐ ܠܫܲܒܼܪܹܐ
- ܣܢܵܕܬܵܐ ܟܸܣܦܵܢܵܝܬܵܐ، ܩܵܐ ܛܘܼܦ̮ܣܵܐ ܠܗܲܝܘܼܪܹܐ ܒܡܲܨܪܵܦܹܐ ܕܕܘܼܪܝܵܬܹܐ ܕܬܲܠܡܲܕܬܵܐ، ܕܟܬܵܒܼܹܐ ܕܩܸܪܝܵܢܵܐ ܝܲܢ ܠܸܙܒܼܵܢܵܐ ܚܲܕ ܟܘܼܡܦܝܘܼܬܸܪ
- ܡܲܦܫܲܛܬܵܐ ܠܣܢܵܕܝܵܬܹܐ ܐܲܝܟܼ ܚܸܠܡܲܬܹܐ ܕܡܵܘܕܥܵܢܘܼܬܵܐ ܟܸܣܦܵܢܵܝܬܵܐ ܝܲܢ ܕܒܲܝܬܘܼܬܵܐ ܝܲܢ ܚܸܠܡܲܬܹܐ ܕܣܢܵܕܬܵܐ ܕܥܢܵܦܵܐ ܕܒܲܝܬܘܼܬܵܐ ܘܒܲܝܬܵܝܵܐ
- ܬܲܠܡܲܕܬܵܐ، ܐܲܝܟܼ ܚܕܵܐ ܕܘܼܪܬܵܐ ܟܪܝܼܬܵܐ ܓܵܘ TAFE ܡܲܗܲܠܵܝܵܐ
- ܡܗܲܕܝܵܢܘܼܬܵܐ ܕܐܘܼܡܵܢܘܼܬܵܐ.
ܫܲܪܵܟܬܵܐ ܓܵܘ ܚܸܠܡܲܬ ܝܼܠܵܗܿ ܨܸܒܼܝܵܢܵܝܬܵܐ ܘܛܵܥܘܿܦܬܵܐ. ܐܲܚܬܘܿܢ ܡܵܨܝܼܬܘܿܢ ܓܲܒܝܼܬܘܿܢ ܕܫܲܪܸܟܝܼܬܘܿܢ، ܕܫܲܒܼܩܝܼܬܘܿܢ، ܕܫܵܩܠܝܼܬܘܿܢ ܚܕܵܐ ܡܲܢܝܲܚܬܵܐ ܘܕܕܵܥܪܝܼܬܘܿܢ ܒܟܠ ܥܸܕܵܢܵܐ ܕܒܵܥܝܼܬܘܿܢ. ܚܸܠܡܲܬ ܩܘܼܢܛܪܸܢܬܵܐ ܝܠܵܗܿ ܥܲܠܵܘܟܼܘܿܢ ܘܥܲܠ ܣܢܝܼܩܘܼܝܵܬܵܘܟܼܘܿܢ ܠܚܘܿܕܵܝܹܐ.
ܕܵܐܟܼܝܼ Parent Pathways ܟܹܐ ܦܵܠܚܵܐ؟
Parent Pathways ܝܼܠܵܗܿ ܟܠܵܢܵܐܝܼܬ ܨܸܒܼܝܵܢܵܝܬܵܐ ܘܩܘܼܢܛܪܸܢܬܵܐ ܥܲܠܵܘܟܼܘܿܢ ܘܥܲܠ ܣܢܝܼܩܘܼܝܵܬܵܘܟܼܘܿܢ ܘܐܵܗܘܵܠܵܬܵܘܟܼܘܿܢ ܠܚܘܿܕܵܝܹܐ. ܐܸܢ ܓܲܒܝܼܬܘܿܢ ܕܫܲܪܸܟܝܼܬܘܿܢ، ܐܲܚܬܘܿܢ ܒܸܕ ܦܵܠܚܝܼܬܘܿܢ ܥܲܡ ܚܲܕ ܡܲܠܦܵܢܵܐ ܡܗܲܕܝܵܢܵܐ ܠܛܲܘܘܼܪܹܐ ܚܲܕ ܚܘܼܛܵܛܵܐ ܕܠܵܚܹܡ ܩܵܐܠܵܘܟܼܘܿܢ ܘܩܵܐ ܒܲܝܬܘܼܬܵܘܟܼܘܿܢ.
ܐܲܒܼܵܗܘܼܬܵܐ ܝܼܠܵܗܿ ܚܲܕ ܫܘܼܓܼ݉ܠܵܐ ܡܲܒܠܸܓܵܢܵܐ، ܘܐܲܚܬܘܿܢ ܠܹܐ ܝܬܘܿܢ ܣܢܝܼܩܹܐ ܕܥܵܒܼܕܝܼܬܘܿܢ ܗܸܟ̰ ܡܸܢܕܝܼ ܕܠܹܐ ܠܵܚܹܡ ܥܲܡ ܚܲܝܘܼܬܵܐ ܕܒܲܝܬܘܼܬܵܘܟܼܘܿܢ. ܐܸܢ ܚܕܵܐ ܥܵܒܼܘܿܕܘܼܬܵܐ ܠܹܐ ܦܵܠܚܵܐ ܩܵܐܠܵܘܟܼܘܿܢ ܝܲܢ ܐܲܝܟܲܢܵܝܘܼܬܵܘܟܼܘܿܢ ܫܲܚܠܸܦܵܐ، ܡܲܠܦܵܢܵܘܟܼܘܿܢ ܡܗܲܕܝܵܢܵܐ ܡܵܨܹܐ ܗܲܝܸܪܠܵܘܟܼܘܿܢ ܕܡܲܫܟܼܚܝܼܬܘܿܢ ܐܵܢܝܼ ܚܸܠܡܲܬܹܐ ܝܲܢ ܥܵܒܼܘܿܕܘܵܬܹܐ ܕܠܵܚܡܝܼ ܩܵܐܠܵܘܟܼܘܿܢ. ܐܸܢ ܣܵܢܩܝܼܬܘܿܢ ܠܣܢܵܕܬܵܐ ܙܵܘܕܵܢܬܵܐ، ܡܲܠܦܵܢܵܘܟܼܘܿܢ ܡܗܲܕܝܵܢܵܐ ܡܵܨܹܐ ܗܲܝܸܪܠܵܘܟܼܘܿܢ ܕܡܵܛܝܼܬܘܿܢ ܠܚܸܠܡܲܬܹܐ ܓܵܘ ܟܢܘܼܫܬܵܘܟܼܘܿܢ ܡܲܗܲܠܵܝܬܵܐ.
ܐܲܚܬܘܿܢ ܒܲܠܟܵܐ ܗܵܕܪܝܼܬܘܿܢ ܠܡܵܘܥܕܹܐ ܦܲܪܨܘܿܦܵܐܝܼܬ، ܒܐܘܼܪܚܵܐ ܕܬܹܠܹܦ̮ܘܿܢ ܝܲܢ ܕܐܸܢܬܸܪܢܸܬ. ܐܸܢ ܗܵܕܪܝܼܬܘܿܢ ܦܲܪܨܘܿܦܵܐܝܼܬ، ܫܲܒܼܪܵܘܟܼܘܿܢ ܗܲܡܵܫܵܐ ܦܝܼܫܹܐ ܝܢܵܐ ܩܒܝܼܠܹܐ ܒܫܲܝܢܵܐ. ܚܸܠܡܲܬ ܝܼܠܵܗܿ ܚܘܼܒܵܢܬܵܐ ܩܵܐ ܒܲܝܬܘܼܬܵܐ، ܝܲܥܢܹܐ ܐܸܢ ܣܵܢܩܝܼܬܘܿܢ ܕܫܲܚܠܸܦܝܼܬܘܿܢ ܠܗܘܿܢ ܡܵܘܥܕܵܘܟܼܘܿܢ ܝܲܢ ܒܵܛܠܝܼܬܘܿܢ ܠܗܘܿܢ، ܠܲܝܬ ܒܝܼܘܿܗܿ ܚܲܕ ܡܸܢܕܝܼ.
ܡ̣ܢ ܒܵܬ݇ܪ ܕܐܲܚܬܘܿܢ ܘܡܲܠܦܵܢܵܘܟܼܘܿܢ ܡܗܲܕܝܵܢܵܐ ܛܲܘܸܪܝܼܬܘܿܢ ܚܲܕ ܚܘܼܛܵܛܵܐ ܕܢܝܼܫܵܐ، ܐܲܚܬܘܿܢ ܒܸܕ ܩܲܒܠܝܼܬܘܿܢ ܣܢܵܕܬܵܐ ܐܲܡܝܼܢܵܝܬܵܐ ܩܵܐ ܬܲܡܲܡܬܵܐ ܕܢܝܼܫܵܘܟܼܘܿܢ.
ܐܲܚܬܘܿܢ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܲܕ ܡܙܲܘܸܕܵܢܵܐ ܕܚܸܠܡܲܬ ܕ Parent Pathways ܓܵܘ ܦܢܝܼܬܵܘܟܼܘܿܢ ܡܲܗܲܠܵܝܬܵܐ ܐܸܢ ܡܲܚܘܼܒܹܐ ܝܬܘܿܢ ܕܝܵܕܥܝܼܬܘܿܢ ܒܘܼܫ ܙܵܘܕܵܐ ܒܘܼܬ ܚܸܠܡܲܬ.
ܕܵܐܟܼܝܼ ܝܠܵܗܿ ܦܝܼܫܬܵܐ Parent Pathways ܡܘܼܩܪܸܒܼܬܵܐ؟
Parent Pathways ܝܼܠܵܗܿ ܦܝܼܫܬܵܐ ܡܘܼܩܪܸܒܼܬܵܐ ܒܝܲܕ ܡܙܲܘܸܕܵܢܹܐ ܐܵܢܝܼ ܕܦܝܼܫܹܐ ܝܗܘܵܘ ܡܓܘܼܒܝܹܐ ܒܐܘܼܪܚܵܐ ܕܥܵܡܵܠܝܼܬܵܐ ܬܲܓܵܪܵܝܬܵܐ ܡܘܼܪܵܝܵܝܬܵܐ.
Parent Pathways ܐܵܦ ܦܝܼܫܬܵܐ ܝܼܠܵܗܿ ܡܘܼܩܪܸܒܼܬܵܐ ܒܝܲܕ ܫܘܼܠܛܵܢܵܐ ܐܘܿܣܬܪܵܠܵܝܵܐ ܓܵܘ Playford، ܘ Gawler، ܘܦܸܢܝܵܬܹܐ ܕܚܲܕܸܪܘܵܢܹܐ ܕܫܘܼܠܛܵܢܵܐ ܡܲܗܲܠܵܝܵܐ ܓܵܘ ܬܲܝܡܢܵܐ ܕܐܘܿܣܬܪܵܠܝܵܐ.
ܡܲܒܘܼܥܹܐ ܡܸܬܩܲܢܝܵܢܹܐ ܒܠܸܫܵܢܵܐ
ܡܲܒܘܼܥܹܐ ܡܬܘܼܪܓܸܡܹܐ ܕ Parent Pathways ܝܼܢܵܐ ܡܸܬܩܲܢܝܵܢܹܐ ܩܵܐ ܡܲܨܠܲܝܬܲܝܗܝ ܡܼܢ ܥܲܠ ܐܸܢܬܸܪܢܸܬ:
ܒܠܸܫܵܢܹܐ ܥܲܪܲܒܵܝܵܐ، ܐܵܬܘܿܪܵܝܵܐ، ܟ̰ܝܼܢܵܝܵܐ ܡܘܼܦܫܸܛܵܐ، ܕܵܪܵܝܵܐ، ܐܸܢܓܠܸܣܢܵܝܵܐ ܘܒܼܵܝܬܢܵܡܵܝܵܐ.
ܐܲܢܹܐ ܟܹܐ ܚܵܒܼܫܝܼ ܘܲܪܵܩܹܐ ܕܡܵܘܕܥܵܢܘܼܬܵܐ، ܦܘܼܣܬ ܟܵܐܪܕ، ܛܲܪܦܘܼܢܵܐ ܕܡܵܘܕܥܵܢܘܼܬܵܐ ܘܨܘܼܪܝܵܬܹܐ ܕܝܘܼܕܵܥܵܐ ܫܲܘܬܵܦܵܝܵܐ.
ܐܵܦ ܐܝܼܬ ܐܲܨܲܚܝܵܬܹܐ ܕEasy Read (ܩܪܵܝܬܵܐ ܗܲܣܵܢܵܝ) ܕܘܲܪܵܩܹܐ ܕܡܵܘܕܥܵܢܘܼܬܵܐ، ܛܲܪܦܘܼܢܵܐ ܕܡܵܘܕܥܵܢܘܼܬܵܐ ܘܦܘܼܣܬܸܪ ܡܸܬܩܲܢܝܵܢܹܐ ܩܵܐ ܡܲܨܠܲܝܬܵܐ.
Contact
If you have questions or feedback, call our National Customer Service Line 1800 805 260.